Збор праектаў для ўдзелу ў Еўрапейскім кінарынку пры «Берлінале’27» (дэдлайн — 27 кастрычніка)
22 кастрычніка 2026
Беларуская асацыяцыя журналістаў
Беларуская незалежная кінаакадэмія (BIFA) збірае праекты з міжнародным патэнцыялам да ўдзелу ў Еўрапейскім кінарынку пры «Берлінале’27». Арганізатары просяць дасылаць заяўкі на ігравыя, дакументальныя ды анімацыйныя поўнаметражныя фільмы на розных стадыях распрацоўкі.
Еўрапейскі кінарынак пройдзе ў межах 77-га Берлінскага міжнароднага кінафестывалю 10–16 лютага 2027 году.
Да ўдзелу запрашаюцца як дасведчаныя беларускія творцы, так і дэбютанты, якія працуюць па-за сістэмаю дзяржаўнага падтрымання Беларусі. Адбіраць праекты будуць кінакрытыца Ірэна Кацяловіч і кіназнаўца ды фестывальны арганізатар Ігар Сукманаў.
Як паведамляецца на сайце BIFA, рыхтаваць аўтараў да Еўрапейскага кінарынку сёлета будуць незалежная кінаэкспертка, кансультантка і т’ютарка з Фінляндыі Леэна Пасанэн і італьянскі прадзюсар, рэжысёр ды эксперт у галіне дакументальнага кіно Стэфана Тэальдзі.
Свае праекты на падзеях BIFA на Еўрапейскім кінарынку ў розныя гады прэзентавалі такія рэжысёры і рэжысёркі, як Дар’я Жук, Мара Тамковіч, Юрый Сямашка, Улада Сянькова, Андрэй Куціла, Нэла Агрэніч, Воля Чайкоўская, Андрэй Кашперскі і Міхаіл Зуй, Аляксей Палуян, Арцём Лобач ды іншыя.
ПАДАЦЬ ЗАЯЎКУ
Падзяліцца навінамі ў сацыяльных сетках
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
@bajmedia
Больш матэрыялаў
«Быць часткай свайго нацыянальнага аб’яднання, а не злівацца з чымсьці іншым». Аляксей Палуян і Ірэна Кацяловіч пра Беларускую нацыянальную кінаакадэмію
18.02.2023
Рэжысэрка Дар’я Жук: «Усе першыя праекты незалежнай кінаакадэміі зьвязаныя зь Беларусьсю»
11.02.2023
«Быць у няволі — гэта як быць пахаваным жыўцом»: сабралі першыя словы нашых калег на волі
16.09.2026
Анджэй Пачобут збіраецца вярнуцца ў Беларусь пасля паездкі ў ЗША
22.09.2026
