• Актуальнае
  • Медыяправа
  • Карыснае
  • Кірункі і кампаніі
  • Агляды і маніторынгі
  • Рэкамендацыі па бяспецы калег

    Важны нэтворкінг у Вільні: Якіх кампетэнцый не хапае НДА і медыям, каб эфектыўна камунікаваць і ствараць новыя сэнсы (дэдлайн — 11 верасня)

    Нэтворкінг адбудзецца ў Вільні 12 верасня а 19:00. Мерапрыемства арганізавана Беларускай асацыяцыяй журналістаў у партнёрстве з арганізацыяй «ІншыЯ». 

    нэтворкінг

    Здымак носіць ілюстрацыйны характар. Фота: pexels.com

    Беларуская асацыяцыя журналістаў многія гады дапамагае будаваць масты паміж медыямі і НДА. Абедзве нашыя сферы — гэта сектары, якія заўсёды з’яўляюцца драйверамі пазітыўных зменаў.

    У новай, вымушана эмігранцкай сітуацыі праблема актуальная, як ніколі: многія былыя сувязі разбураныя ў выніку пераезду, у арганізацыі і ў медыі прыйшлі новыя людзі. Для аднаўлення эфектыўных стасункаў БАЖ сумесна з Фондам Фрыдрыха Эберта неўзабаве распачне адукацыйны курс па камунікацыях.

    Але перад курсам мы хацелі б запрасіць прадстаўнікоў і прадстаўніц медыяў і НДА, блогераў і блогерак, актывістаў і актывістак на нэтворкінг, каб абмеркаваць, якіх кампетэнцый не хапае НДА і медыям, каб эфектыўна камунікаваць.

    Мы запрашаем:

    - журналістаў і журналістак, усіх прадстаўнікоў і прадстаўніц медыяў;

    - прадстаўнікоў і прадстаўніц НДА;

    - актывістаў і актывістак, блогераў і блогерак і наогул усіх, каму цікавая дадзеная тэма.

    Удзельнікі і ўдзельніцы сустрэчы змогуць усталяваць новыя кантакты з грамадзянскай супольнасцю і медыямі, абмеркаваць прафесійныя пытанні, падзяліцца практыкамі сумеснай працы або прыдумаць новую ідэю для супрацоўніцтва.

    Арганізатары бяруць на сябе стварэнне бяспечнага і камфортнага асяроддзя, а таксама напоі і закускі.

    Для ўдзелу неабходна ЗАРЭГІСТРАВАЦЦА да 11 верасня.

    Пацверджаныя ўдзельніцы і ўдзельнікі атрымаюць ад БАЖ ліст з усімі дэталямі.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Фінансавая падтрымка пацярпелых ад рэпрэсій (дэдлайн — 31 кастрычніка)

    Еўрапейскі саюз у рамках праграмы EU4Belarus – SALT (Sup­port for Advanced Learn­ing and Train­ing) абвяшчае запуск наступнага раўнду праграмы падтрымкі для беларусаў і беларусак, якія пацярпелі ад палітычных пераследаў і страцілі крыніцу даходу і магчымасць атрымання адукацыі.
    20.10.2026
    Акцэнты

    Стыпендыя Safe Haven і рэзідэнцыя ў Амстэрдаме (дэдлайн — 14 снежня)

    Стыпендыя Safe Haven ад NIAS (Nether­lands Insti­tute for Advanced Study) падтрымлівае навукоўцаў, мастакоў, пісьменнікаў і журналістаў, якія не могуць бяспечна працаваць у сваёй краіне.
    10.11.2026
    Акцэнты

    Воркшоп «Асаблівасці беларускага OSINT. Як даследаваць Беларусь на адлегласці» (рэгістрацыя — да 2 лістапада)

    З чаго пачаць і дзе шукаць дадзеныя пра Беларусь, калі знаходзішся па-за яе межамі – абмяркуем на воркшопе з журналістам-расследвальнікам Андрэем Шаўлюгам. Запрашаем журналістаў без досведу OSINT, а таксама тых, хто ўжо выкарыстоўвае ў сваёй працы OSINT, але хацеў бы далей развівацца ў дадзеным кірунку.
    02.11.2026
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.